JENGOT UBAN

1. Kaki-kaki tanguda mebok
   Di batan cunguhē kēn di jagutē ?
   neked kapipinē bet misi bok
   Buwin putih buka kapasē
2. Apa kaki kemulan keto
   Mabulu uling dimara lekadē ?
   Tusing cening, kaki majēnggot reko,
   Kaki tua mara ya mentik

PANGELONG

1. Dija bulanē sing ngenah uli ibi ?
   Ia jani pules, rē majalan ejoh gati 2x
2. Uli dija bulanē majalan, kaki ?
   Uli tanggu kangin teked kauh, kēto cening 2x
3. Pidan lakar bangun bulanē tur mai ?
   Lamun ilang kenyelnē ya teka lakar buwin 2x

DAGANG GANTAL

1. Dagang gantal
   Masubeng ental acengkang
   Mara bangun ka pisaga 2x
   Manyaruang nyilih serat
2. Serat langah
   Untun nyanē siyu satus
   Anē satus anggon bibih 2x
   Pawēwēh I Ketut Genjir
3. Ketut Genjir
   Ta nguda tununē uwug
   Mula uwug di pandalan 2x
   Kalahin icang mabalih

MADE CERIK

1. Made cerik
   Lilig motor ibi sanja 2x
   Motor Badung ka Gianyar 2x
   Gadebegē muat batu
2. Batu Cina
   Bais lantang cunguh barak 2x
   Mangumbang-ngumbang I Jodēt 2x
   I Jodēt metatulupan
3. Jangkak-jongkok
   Manyaru manyoncong jangkrik 2x
   Jangkrik Kawi Ni Luh Tama 2x
   Ni Luh Tama nunjung bēru
4. Tunjung bēru
   Magri I Bagus masiram 2x
   Masiram saling ēnggokin 2x
   Tepuk api dong ceburin
5. Macan rangrēng
   Magelur ngebekin gumi 2x
   Kadi kilap manyanderin 2x
   Tepuk api dong ceburin
6. Singa warak
   Gajah lembune macanda 2x
   Macanda saling cetakin 2x
   Tepuk api dong ceburin

JARING GULING

1. Jaring guling damar gantung 2x
   Nyiyu mas matumpang solas 2x
2. Nyelang gunting ka pasarēn 2x
   Bakal gēna nyēlang gunting? 2x
3. Bakal anggon ngunting capung 2x
   Capung apa anē kal gunting ? 2x
4. Capung emas nē kal gunting 2x
   Bakal gēna ngunting capung ? 2x
5. Bakal anggon iyang pelalian 2x
   Pelalian I Widiadari 2x